Grænlensk mundar

Hin grænlenska kona mundaði skærin.

Glerið glóði og eldurinn hvæsti.

Jarðarform

O r g anísk f o r m önduð í flæ ð a n d i gler í lifandi jörð...

...

Nýr smellur frá hinum einu og sönnu Fjörkum í spilaranum til vinstri.

Njótið :)

Engill með heimþrá...

Engill með heimþrá 

 

þú baðst mig að gefa þér merki um vorið sem beið
þegar fyrstu grasstráin og knúbbarnir stöfuðu grænu

svo lástu undir feldinum reykjandi
tuldrandi þulur og eitthvað um lífið í den

ég beið á vaktinni horfði til himins og lyktaði
snusaði út í berloftið eftir hlýindum

fuglarnir hérna í klöppinni komu og fóru
einn og einn í senn

Það virtist sem allt héldist óbreytt
um tíma og eilífð
nema skýin sem tóku á sig galdramyndir
víbruðu og breyttu um lit
misgrá og flöktandi

þú kallaðir á mig um nætur er helkuldinn stríddi
og marði þig inn að beini gróf sig í hjartað

húktir und feldinum gömul af sorg
þó með eitthvað á pinnanum

Svo kom hann einn daginn
þessi engill og kvartaði sáran
sjúkur af heimþrá
og heimtaði að taka þig með
sjarminn uppmálaður
þú sagðir
loks er hann kominn
takk fyrir allt

loftið var salt og vindurinn blés þér og honum upp í ljósbláan kúpulinn
farvel og takk

nú bíð ég við eldinn og kyndi í blessuðum glæðunum
gref mig í feldinn og hlæjandi hugsa um vor...

Á FERÐ

 N Á TT Ú R A - Á FERÐ - STRÚKTUR

(AKRÝLL Á STRIGA OG FUNDIN VIР- 2006) 

 

Flöskuportrett

ö  r  l  í  t  i  ð

s  k  a  k  k  a  r

e   n   d   a       o   f   t   a   s   t

f     u     l      l      a    r

...........

Úr eyðikirkju

Eitt sinn innsetning í Buderup eyðikirkju.

Hljóð og flöktandi skjáir.

Grímur á máluðum viðarplötum.

Fornar grafir og altari.

Sveitungurinn blikkaði augunum hraðar við komuna.

Stóð

Stóðu sex með blómahatta.

Biðu áfyllingar.

Á perunni ?

kveiktáenni

ósk#2

ósk#2 

leyfðu mér að koma
með mín blæðandi kaun
og gljúfradjúpu mein
að beði þínum

gefðu mér tíma
gefðu mér hluta af blíðunni
tærri
hreinni

leystu mig frá altarinu
þar sem ég safna beinum
og gömlum bréfum
skrifuðum af löngu liðnu fólki
þar sem svipirnir óræðu flökta
eins og sólgeislar
í rökkrinu

veistu

eitt bros frá kirsuberjavörunum þínum
gæti brætt
þúsund jökla
framkallað draumfljóðbylgju
stærri en nokkur tsunami

í það minnsta fengið hjartað til að slá
aðeins örar og umbreytt
deginum

Forveri

Forveri hinna sem seinna komu.

Golgata leynist í mistrinu.

...

http://www.myspace.com/fjarkarnir

Fyrir eyrun okkar allra !!!

...

Nýjir smellir í spilaranum til vinstri.

Njótið.

Um ekkineittið

UM EÐLI EKKINEITTSINS

hafir þú óttast

ekkineittið

skaltu hugsa á ný

út frá breyttum forsendum

því satt best að segja

virkar ekkineittið

alltaf stærst

þegar þú ert beint fyrir framan það

gakktu þónokkur skref (hægt)

afturábak

sjáðu hvernig ekkineittið

fjarlægist

og verður smám saman

nákvæmlega

ekkineitt

Fílósoffía um gjörning og afleiðingar

hengja 

 

svo er eins og glimti í prakkarann

einmitt þegar við héldum að allt væri vonlaust og kaffært í þokunni

allar rúður brotnar útkrotaðir veggirnir en enginn sökudólgur

hans sekt er ekki sönnuð (þ.e.a.s prakkarans) en af útlitinu að dæma

eru sterkar líkur á

að hans sé sökin

 

einhvern þarf að hengja

í nafni réttlætis

 

svo við getum gengið áfram veginn

í hárbeinni halarófu brosað og nikkað til náungans

í spekt og sátt

Um mikilvæga leikinn

ádrepa um mikilvæga leikinn

við tökum öll þátt
hvert á sinn hátt
í MIKILVÆGA leiknum

uppástrílaði nefndarformaðurinn
uppskafinn lögregluþjónninn
ofalinn þingmaðurinn
alklóki geðlæknirinn
bísperrtur ræðumaðurinn
rykfallinn alfræðingur
og allflestir hinir

æi
þú veist

óþarft er að hafa um það mörg orð
enda á allra vitorði
og í sumum tilfellum
tilvistarforsenda
og án leiksins þetta strögl hjómið eitt
enda leikurinn MIKILVÆGUR

HAPPY GLOBE #1

  

(AÐ OFAN: FYRSTI HNÖTTUR VIÐ RÆTUR KEILIS, FYRIR NIÐURGRÖFT Á TOPPI FJALLSINS)

ÍSLAND UMGIRT MUNNBLÁSNUM HAMINGJUHNÖTTUM.

Munnblásnum og skreyttum glerhnöttum með jákvæðum texta, ljóðum og hvetjandi setningum, í mismunandi stærðum, plantað umhverfis Ísland. Textinn á hnöttunum verður á mismunandi tungumálum og grafinn í glerið sem tryggir aldalanga varðveislu.

Hnettirnir verða grafnir í jörð og komið fyrir í vörðum með 12 kílómetra millibili, jafnt nálægt vegum sem fjarri þeim.  

"Lausahnettir" munu einnig grafnir í fjöll hér og þar um allt land.

Hringvegurinn sem slíkur er rúmir 1300 km en líklega munu glerhnettirnir sem mynda að lokum hring líggja á svæði sem er stærra, jafnvel um það bil 1400 km.

Á hnettina verða grafin jákvæðnisorð, ljóð og hvatningarorð hvað varðar aukna hamingju og betra líf okkar sem jörðina byggja. Á tímum þrenginga og sögulegra efnahagshrakfalla íslenskrar þjóðar má líta á þennan gjörning sem milt andsvar, við bölmóði og svartsýnishyggju. Jörðin er fóðruð með glerhnöttum sem ætlað er að dreifa jákvæðni um byggð sem óbyggð ból frónsins og varða Ísland friði og jákvæðni.

Glerið er í þessu samhengi tilvalið. Efnið sem slíkt getur varðveist í þúsundir ára svo til óbreytt og þar sem textinn á kúlunum verður grafinn í þær mun hann standa skýr og greinilegur um aldir.

Ætlað er að verkinu ljúki 2015.

Glerlistamaðurinn Lárus Guðmundsson annast dreifingu og gerð hamingju hnattanna.

Project Happy Globe

 

ÍSLAND UMGIRT MUNNBLÁSNUM HAMINGJUHNÖTTUM.

Munnblásnum og skreyttum glerhnöttum með jákvæðum texta, ljóðum og setningum, í mismunandi stærðum, plantað umhverfis Ísland. Textinn á hnöttunum verður á mismunandi tungumálum og grafinn í glerið sem tryggir aldalanga varðveislu.

 

Hnettirnir verða grafnir í jörð og komið fyrir í vörðum með 12 kílómetra millibili, jafnt nálægt vegum sem fjarri þeim.

"Lausahnettir" munu einnig grafnir í fjöll hér og þar um allt land.

 

Hringvegurinn sem slíkur er rúmir 1300 km en líklega munu glerhnettirnir sem mynda að lokum hring líggja á svæði sem er stærra, jafnvel um það bil 1400 km.

Á hnettina verða grafin jákvæðnisorð, ljóð og hvatningarorð hvað varðar aukna hamingju og betra líf okkar sem jörðina byggja. Á tímum þrenginga og sögulegra efnahagshrakfalla íslenskrar þjóðar má líta á þennan gjörning sem milt andsvar, við bölmóði og svartsýnishyggju. Jörðin er fóðruð með glerhnöttum sem ætlað er að dreifa jákvæðni um byggð sem óbyggð ból frónsins og varða Ísland friði og jákvæðni.

 

Glerið er í þessu samhengi tilvalið. Efnið sem slíkt getur varðveist í þúsundir ára svo til óbreytt og þar sem textinn á kúlunum verður grafinn í þær mun hann standa skýr og greinilegur um aldir.

Ætlað er að verkinu ljúki 2015.

GRUNNUR

H     Ú     S

M    A    Р   U     R

J    Ö    R    Ð