Innri Njarðvík

Hughrif í Innri Njarðvík

 

Kettir og fiskar, hestar og hundar

og miðin hér rétt við fót.

Gott er að norpa í Innri Njarðvík,

nýorpinni sólu mót.

 

Í dögun er daggarperlur glitra,

í dýrð sinni grundum á.

Gott er að ganga í Innri Njarðvík,

glaður í hjarta þá.

 

Fjörgömul fjöllin skýjum skreytt

og skrúður með aldanna nið.

Gott er að yrkja í Innri Njarðvik

við indælan fuglaklið.

 

Tæplega finnst hér í heimsbyggð slík,

hamingjuborg sem Innri Njarðvík.

Sem vel skreytt léreft eða verðlaunatík,

hjarta vort slær með Innri Njarðvík.

Sem perlum skreytt sérsaumuð skraddaraflík,

skreytir hún foldina Innri Njarðvík !