Friðarkúlum fleytt af stað...

Sjálfboðaliðar fjölþjóðahópsins SEEDS létu tilleiðast til þess að rita á eigin máli friðarskilaboð til heimsins á munnblásnar glerkúlur. Kúlurnar voru á stærð við netakúlur og fullflotfærar. Skilaboðin voru síðan grafin af okkur hjá Iceglass á þessar litríku glerkúlur sem tryggir að textinn máist ekki þó svo að kúlurnar verði á floti í fleiri ár. Japanska, serbíska, íslenska, spænska og allt þar á milli.

Svo var rölt yfir heiðina upp undir Helguvík á Berginu í Keflavík.

Hver las upp skilaboðin á eigin máli og varpaði svo kúlu

í iðandi hafið.

Það blés en rigingin var í hléi.

Sú spænska íbyggin hér til hliðar býst til varps.

Þegar ég smellti þessari mynd af þessum frábæra hóp að loknu varpi gat ég ekki annað en hugsað um hvert kúlurnar myndu reka.

 

Láttu mig vita ef hana rekur upp að þinni strönd...

SVO BRUNNU ÞÆR

Svo brunnu

þær

í nóttinni.

 

Trégrímurnar

hans

Daníels.

Ég hugsaði um heiðni, frelsi og tímaleysi................................

sameiningu og náttúruöfl.

SKURÐUR OG ÍKVEIKJA

Hann skar út risavaxna grímu úr hafreknum við á Ljósanótt hjá okkur í Iceglass.

Snillingurinn Daníel Hjörtur í djúpri sköpun.

Seinna um kvöldið kveikti hann í henni.

 

 

 

?

Þegar formið þrýstir sér inn í rýmið og krefst tilvistar; er þá nokkur leið til þess að neita því ?

Skeyti

YNDISLEGA OLDSCHOOL

50 VASAR Í ÁGÚST

RÓMVERJAR OG ÞESSIR

YNDISLEGA OLDSCHOOL

LILLA, BRÚNLEITU OG

FJÓLUBLÁU TÓNAR

TÓKU SÉR

BÓL

FESTU

Í ÞESSUM

MOSAFÆðING HINNA LITRÍKU GLERKÚLNA

FÆDDAR Í MOSA.

LITRÍKAR RÚLLA ÞÆR UM LANDIÐ OG LEITA UPPI KYNJAVEXTI.

Nú sem fyrr

Innan reykgrárra veggja

í rykugu horni

undir hrúgu af óhreinum þvotti

faldi hann eymd sína

í myrkri skömm

líkri skömm forfeðrana

sem földu bækluð eða þroskaheft afkvæmin

innan þilja

svo enginn sæi smánina

Tv made me a better man

Dr. Phil

þú sem ert í kassanum

amerískt er þitt nafn

amerískt þitt ríki

verði þinn vilji, jafnt á sviðinu hjá þér sem hérna heima í stofu

gef oss í dag þín daglegu ráð

fyrirgefðu hvað við erum vitlaus

því þinn er skjárinn, tími minn og rásin

næsta klukkutímann að minnsta kosti

AMEN

160308

 

160308

Fyrir fuglinn vaggandi á sjónum og starandi tungl syng ég ljóð mín.
Fyrir stjarfa ásjónu vofu sjálfs míns í speglinum dreymi ég líf mitt.
Fyrir þungan steininn í neti veiðimannsins skissa ég von mína.
Fyrir allan bláma hins heiðríka himins gef ég ást mína.
Fyrir þunnan hlátur trúðsins gef ég hjarta mitt.
Fyrir blikið í augum hórunnar gef ég sál mína.
Fyrir liti regnbogans skálda ég hamingju mína.
Fyrir allt sem flæðir gef ég daginn.
Fyrir vitfirrta nótt gef ég meðvitund mína.
Fyrir drauma gyðjunnar lifi ég.

Litli kútur kveður

Þá kveð ég klakann og villist í tvær vikur um New York.

Ef ég rata ekki til baka vill ég bara segja, góðar stundir og takk fyrir kíkkið.

Bon Voyage !!!

UPPRISA

UPPRISA

Rís upp af kletti/jörð/sól/tungl

Kæra list hinna fljótandi tóna :)

http://www.soundclick.com/bands/default.cfm?bandID=28155

Kæra list hinna fljótandi tóna :)

Daginn þegar öll leyndarmál heimsins voru sögð

Daginn þegar öll leyndarmál heimsins voru sögð
löggðu englarnir
augun aftur 
sofnuðu svefninum langa

Prófessorinn ýfði skegg sitt og sagði

drafandi röddu
so be it

öll börn kringlunnar grétu af vonbrigðum

að endingu ummyndaðist okkar þekkti heimur

í glóappelsínusvepp

reif sig upp með rótum 
sveif þyngdarlaust mót satúrn

160608

hún stal gimsteini úr auga mínu og gróf í sitt hjarta

ég sé hann í draumum svífandi geislum skarta

gerður úr mínu eigin holdi og blóði

samruninn grafinn í skautið á svikulu fljóði

Hinn íslenski hersöngur...

Fyrir fimmtán árum síðan blómstraði íslenskur her. Ég var svo lánsamur að vera þar einn tveggja höfuðpaura. Við sem herinn rákum stjórnuðum hermönnum okkar harðri hendi. Menn unnu sig til álita með ýmsum heimskuverkum og stigu í tign eftir því hvað verkin sem þeir unnu voru smánarleg og fáránleg. Þetta var sem sagt það sem kalla mætti alvöru herbrölt. Ekkert rugl. 

Í dag er íslenski herinn sagan ein þó svo að við höfum verið ansi öflugir um skeið, allir tíu talsins.

Í minningu hins Íslenska hers birti ég hér textann við baráttusöng okkar sem ég skrifaði eina nóttina uppfullur af ættjarðarást með einræðisglampa í augum.

Njótið vel...

Hinn Íslenski hersöngur

Rís upp ! þið íslensku hermenn hraustir og glaðir/í hundruðum bíða ykkar ókunnir spennandi staðir.    Leysið úr eymdinni þjóð ykkar, þegnanna og landið/þeysist í vígahug drengir og verk ykkar vandið.

Þið eruð eldur sem brennur í bölmóðsins vindi/Án ykkar bjartsýnin fölnaði, veiktist og hryndi. Þið munið stolt ykkar forfeðra réttlæta og vekja/þið munuð fjendur af landinu eilífa hrekja !

Rís upp ! þið einasta von ykkar bjargþrota þjóðar/þreyjið nú orustu og sigurinn ykkar mun óðar. Berjist með valdi sem íslenskum einum er valið/verjið nú skerið er hljóðar svo skelkað og kvalið.

Því ykkar er framtíðin fögur sem vorbjörtu blómin/ykkar er baráttan, hetjunnar dugur og ljóminn. Eilífðar himnadýrð, dásemd sem vorloftið hreina/ykkur mun hlotnast á landinu sanna og eina !

Konan og kristalshöllin

Stendur stolt á kletti/lítur kristalshöll.

Skúlptúr í bígerð.

Grágrýti, handmótað og steypt gler og sjórekinn viður.

300308

300308 

Áhyggjur eru eins og skóhorn, hafa fullkomnlega ofmetið gildi og eru yfirleitt til einskis nýtar.

Nærmynd

Horft djúpt í bláar iðrar loftþjöppuslöngunnar.