ALLT & EKKERT

ALLT & EKKERT

 

Marmelaði og engifer,

óvart ég fann í skautinu á þér.

Kókoshnetu og gojiber,

einræðisherra og tyrkneskan her.

Margt kemur á óvart við elsku þig,

þú tekur lífið á annað stig.

Elskan mín sanna og eina.

 

Járnbrautateina og húfuder,

ég fann fyrir rælni á kafi í þér.

Friðlýstan þjóðgarð og gjósandi hver,

kotasælu og sjéníver.

Margt veldur furðu við krúttlegu þig,

margur vill sig halda mig.

Dúllan mín djarfa og hreina.

 

Við tefldum við Amor og töpuðum,

trúðum á steina.

Reiknuðum dæmið í þaula,

útkomu fengum ei neina.

Fljóð minna beina.

 

Úlfaaugu og fúinn kvist,

á leiðinni fann sem þú hafðir misst.

Glataða trú og takkaskó

og týnda barnið sem skríkti og hló.

Allt verður að engu og ekkert er hér,

það hverfur og verður að þér og mér.

Eitur og kvöl minna beina.

 

                                                  18.02 '18

Um skáldskap og vísindi

Skáldið gægist með höfuð sitt inn í himininn.

Vísindamaðurinn vill troða himninum inn í höfuð sitt.

ÁRAMÓTALJÓÐ

Þú varst maðkur á bekk sem einhver hafði sest á fyrir slysni og

flatt út. Grafkyrr í ljósi dapurlegra kringumstæðna.

Drepinn af rassi.

Kálað af tilfallandi vegfaranda sem grunlaus hefur nú á bossanum þrykk af þér.

 

Þú varst grunlaus þennan morgun þar sem þú silaðist upp fætur bekksins í slími þínu. Spenntur sem værir þú í frjálsu falli.

Og í ormheila þínum ómaði frómur frasinn í endalausu bergmáli. Frasinn sem segir að það sé ferðin en ekki takmarkið sem helgar blessað meðalið.

 

En Kæri Ormur...

Það er betra að hyggja að stað áður en af stað er tekið.

larusg.blog.is

larusg.blog.is

http://www.toyism.com

http://www.toyism.com

Hvílir á bergi

Hvílir á bergi.

(Reykjanes 2012)

Skál !

Stærð: 48 x 28 cm.

Norðurljós

Borðfat.

Sería Norðurljós.

C.a 45 x 40 cm.

Hughrif við Khao San road

Hughrif við Khao San road

 

virðist sem endalaust haf

skartar í öllum litum

bundið við augnablikið

en ómar af eilífð

kurrar af lífi

 

rymur eins og gömul dráttarvél

með innsogið á fullu

 

koltvísýringurinn í þessari götu

er yfir öllum siðferðismörkum

í réttu hlutfalli við tilhugalífið

sem er vakið til lífs af fjárfúlgum í vasa erlendra manna

sem sumir halda að þeir hafi fundið ástina

haldandi fast í leiguliða

V E F U R

V E F U R

P A R