Þær stilltu sér fallega upp

Þær stilltu sér fallega upp en brostu ekki. Dálítið eins og á gömlum íslenskum ljósmyndum þar sem enginn brosir en aldrei vantar hátíðleikann...

Þær söfnuðust saman í trékassann

Þær söfnuðust saman í trékassann og biðu sandblásturs...

Þegar ég hugsaði til gærdagsins/horfi út um gluggann og sé snjóinn falla

(Þegar ég hugsaði til gærdagsins/horfi út um gluggann og sé snjóinn falla)

 ÞYRNIRÓSA

Baða mig í himni augna þinna,
aðeins of snemma á áfengum morgni,
gestir næturinnar hafa tygjað sig heim.
Þú ert við hliðina á mér hlýrri en sólin.
Ást okkar hefur kollvarpað heiminum.

  (ég horfi út um gluggann og sé snjóinn falla)

Þú leggst mjúklega aftur,
hvílir höfuðið vel á koddanum og sofnar í hundrað ár.

Vaknar upp við lúðraþyt samviskunnar,
hellir upp á kaffi,
skolar af þér lyktina af mér.

Gleymir.

Tímarúm

Hugleiðing um tíma, rúm, fortíð, núið og framtíðina. 

Tímarúm 

ég andaði á glugga
teiknaði myndir af fiðrildum á flugi
í móðuna
tók mynd af þeim
sendi þér
ef þér líkar hún ekki
láttu mig vita
þá mun ég
stroka þau
út

þegar sólin var við það að setjast...

 

 

Úr innsetningu frá því í sumar þegar sólin var við það að setjast...

Svona líta íslandsminningar út

Svona líta íslandsminningar út yfirfærðar í gler af íslending í Danaveldi.

URBAN MOOD

URBAN MOOD

Um firringu og innilokun, einmanaleika og ringulreið.

Tré, strigi, akríll, steypt gler.

Njótið vel.

Klikkið á linkinn hér að neðan og upplifið eina mögnuðustu trúbador frammistöðu sögunnar. Það er Brynjar Jóhansson, æskufélagi og stórvinur sem fer hamförum. Þess má geta að ég tók snilldina upp eitt föstudagskvöld þegar fátt annað var að gera en taka upp söguleg myndbönd.

Njótið vel.

http://brylli.blog.is/blog/brylli/video/1750/

Pyntingar í og utan Bandaríkjanna...

Mig langar að benda á þessa hrollvekjandi heimildarmynd um pyntingar í og utan Bandaríkjanna sem eru orðnar daglegt brauð. Reyndar svo daglegt brauð að flestir eru farnir að taka þeim sem sjálfsögðum hlut. Það er augljóst að yfirvöld USA telja þetta eðlilega stjórnsýslu og stefnu þegar kemur að kúgun saklausra almennra borgara.

 

http://gullvagninn.blog.is/blog/hin_nyja_heimsyn/video/2145/

Fuglar fæðast, einn af öðrum...

Fuglar fæðast, einn af öðrum...

og akríll á striga...

Blásið og skrapað gler og akríll á striga...

Og Tíminn gengur hljóðum skrefum inn um þínar dyr

Ég ætlaði einu sinni að verða skáld. Það var þegar heimurinn var aðeins einfaldari og áður en ég komst að því að skáld þéna að jafnaði enga peninga. Það finnast gossjálfsalar út um allt en engir ljóðasjálfsalar; því miður. Ef svo væri væri heimurinn betri. Hér er lítið ljóð um tímann orðið ellefu ára gamalt. Njótið heilla !

 

UM TÍMANN (EÐA TÍMINN ER GAMALL MAÐUR MEÐ HARÐKÚLUHATT)

- Og Tíminn gengur hljóðum skrefum inn um þínar dyr, 

þurrkar ekki af sér og skeytir ekki um boð.

Sá eini sem er heilagur og situr aldrei kyrr,

og þó svo að hann vingist við þig fer hann alltaf aftur.

Hann gerist oftast þaulsetnari en flestir aðrir gestir,

segir ótal sögur um tilveruna og þig.

Sá eini sem á orðið þegar allir eru sestir,

hann veit allt um alla en ekki neitt um sig.

Talandi hans er töfrandi og hrífur þig með sér,

táldreginn þú spyrð ekki um áfangastað.

Hann talar um heimskingjann er gröfina gróf sér,

með gleði á svip við sitt heimahlað.

Hann talar um svaninn er syngjandi flýgur,

frá alnyrsta heimskauti sólina í,

og örmagna hugsi er niður hann hnígur;

"allt þetta til að hitna á ný".

Sumt af þessu skilurðu, annað tekur tíma,

og þegar Tíminn stendur upp hneigir sig og fer,

finnurðu að þitt líf var aðeins lítil skammlíf skíma,

og veist um leið að Tíminn kveikti hana handa þér.                                                   

 

Í mótun...

Í mótun...

Hann fæddist með búk úr ryðfríu stáli

Hann fæddist með búk úr ryðfríu stáli, glerspjót í hendi af minni gerðinni, seinna missti hann höfðuðið en það gerði ekkert til því hann fékk í skiptum þetta fína glerhöfuð. Hann ferðaðist víða með járntöskuna sína þangað til hann missti höfuðið að nýju. Ég sé honum bregða fyrir annað slagið og fæ alltaf samviskubit yfir því að skella ekki öðru höfuði á kappann...

Hringdu í hana...

Frú Glöð baðar sig í sólinni, tekur slátur á hverjum degi, heldur saumaklúbb vikulega, heklar veggteppi, leggur fyrir peninga fyrir ellina, er í kór og kiwanisklúbb, heldur tombólur til styrktar fötluðum og vill hjálpa þér að verða betri einstaklingur.

Hringdu í hana...

Keisarinn, hafmeyjan og litli ljóti andarunginn...

Keisarinn, hafmeyjan og litli ljóti andarunginn...

Hr. Litríkur Glerhaus tapar stríðinu (fyrsti kafli)

Herra Litríkur Glerhaus hafði tapað stríðinu við Hvítu Kúlurnar. Þær höfðu svipt hann búknum og rænt hann auðnum. Nú hvíldi hann höfuðið á svörtum steinum og beið þess að besti vinur hans; búkagerðamaðurinn Búbbi Tjull kæmi og bjargaði honum, vonandi með nýjan búk handa honum undir hendinni. Það var hægara sagt en gert. Hvítu Kúlurnar stóðu vörð um Hr. Lítríkan Glerhaus og voru allar hinar vígalegustu....

Framhald fylgir....

Það risu tveir englar úr björtu vatni. Það var síðasta sumar og sólin steig upp klukkan fjögur um nóttina...

Það risu tveir englar úr björtu vatni. Það var síðasta sumar og sólin steig upp klukkan fjögur um nóttina...

LÍTIÐ OG EITT DVALDI EPLIÐ VIÐ GJÓTUNA

Lítið og eitt dvaldi eplið við gjótuna. Það vissi af þverhnípinu og að næsta vindhviða gæti mögulega þeytt því niður í kolsvart dýpið...