Vaxa úr steinum

Vaxa úr steinum.

Kvenverur og stafa ljósi út við Reykjanes.

Jarðform

Blásið í jarðform með Thue Christiansen.

8000

Þá kíkti gestur nr. 8000 á síðuna.

Takk fyrir innlitin og kommentin í gegnum tíðina :)

Lifið heil !

Heimur í heimi

Heimur í heimi #211

(Blönduð tækni, mósaíksamsetning, 45 x 35 cm - 2010)

And fat

Andlit gægjast úr skógunum . . .

(30 30 cm - Blönduð tækni - 2010)

Happy globe 2010

Haf fat

Litið í hafið . . .

Áframhald ristu

Lasergrafinn gömul rista sem fannst á Sjálandi.

Lifir áfram í rauðu eldglerhafi . . .

 

Flotvextir

F  L  O  T  V  E  X  T  I  R

Griðarflötur

G  R  I  Р A  R  F  L  Ö  T  U  R

(Borðfat,  handmótað, mótasteypt - 40 X 40 cm - 2010)

Blikkar í litum

Gömul tákn og ný.

Blikkar í litum.

(Heitt/kalt gler - 40 x 40 cm - 2010)

Fyrsta afsprengið

Fyrsta afsprengi andlita/grímna á nýju ári.

(Akrýll á rekavið, sjórekinn málmur, steypt gler 42 cm x 32 cm - 2010)

á meðan eldurinn hvæsti . . .

Grænlensk og gengu um gólf á meðan eldurinn hvæsti . . .

Nornin og biðlarnir

Titill: Nornin og biðlarnir

(Blek á pappír - 29 x 21 cm - 2009)

Tveir í skógi, einn í hendi

Titill: Tveir í skógi, einn í hendi

(Blek á pappir, 34 x 30 cm, 2010)

Nóta um Kárason ljósvíking og lausn hans frá illri vist

Nóta um Kárason ljósvíking og lausn hans frá illri vist

(Paralelluhugsun um ástand ríkja og samskipti þeirra í millum: Hver er Kárason í dag og hvar er Reimar ?) 

 

Kylliflatur Kárason
lá koju í.
Móttók andans gjafagjótt
og lífsins gný.
Yfirgefinn eyminginn
af gæskunni.
Sökum slæmrar móður
sviptur æskunni.
Faðirinn ei betri,
nú líða tók af vetri.

Á Fótarfæti pakkið allt
var fúlt og ljótt.
Enginn tók síg af honum
en andans gnótt,
fyllti drengsins daga,
það er drjúg og klassísk saga.

Meinin mörgu hrjáðu
manninn nótt og dag.
Sumir drenginn dáðu,
dýran kvað hann brag.
Hann átti enda skilið
að einhver tæki af skarið.
í gervi Reimars rann,
einn rökkurmorgun í hlaðið,
himnafarið.

 

Úr vistinni komst Kárason að lokum,
klárlega til betri vegar gekk.
Lausn hjá Friðrik fékk.

Sjá af þessu má að sumir mega,
húka undir möttli dimmra daga.
Þó tækifærin handan hornsins bíða,
óhamingjudagar munu líða.
Örlögin með mestri dýrðarrausn,
munu færa smælingjunum lausn.

um eymd og gleði #11

um eymd og gleði #11 

það virðist að jöfnuðu vera 
sem eymdin sé frekari gleðinni
hún krefst meira
rífur meira til sín
hefur stærra sjálf
þrykkir að því er virðist dýpri spor í vitundina góðu
situr þungt

hér er þó alls ekki sagt að þessi kenning sé algild

líttu á þetta meira eins og hugmynd sem varpað er fram

mögulega til einskis

á meðan gleðin er sviflétt ský
er eymdin flísin sem setur sig djúpt og vill helst ekkert fara
broshýra barnið á götunni flýgur hjá
meðan vannærði betlarinn sem þú gengur framhjá brennir mynd að innanverðu
á sjáöldrin

þannig meint

skiluru ?

VERA

 

VERA 

ég er ekki meiri en óskrifuð lína
ég er jafnmikill og öll bókasöfn heims

ég er ekki meiri en slóð maursins í sandinum
ég er ekki meiri en tannlaus gómur
ég er jafnmikill og malcolm x

ég er ekki meiri en hola í tönn
ég er ekki meiri en gröftur úr bólu
ég er ekki meiri en hálf hugsun
ég er jafnmikill og undrin sjö

ég er ekki meiri en sönglið í ofdrukknum róna
ég er ekki meiri en mjólkurskegg
ég er ekki meiri en súrsaður hrútspungur
ég er ekki meiri en laufblað í haustskógi
ég er jafnmikill og guð

ég er ekki meiri en mávurinn á berginu
ég er ekki meiri en arða af fingurnögl
eg er ekki meiri en skrúfa í fjöl
ég er ekki meiri en hljóðbylgja fótataks
ég er ekki meiri en klipphljóð frá skærum
ég er jafn mikill og hæsta fjall heims

ég er ekki meiri en mjálm í nýfæddum kettling
ég er ekki meiri en ryðið í skipsskrokki
ég er ekki meiri en spékoppur á kinn ungabarns
ég er ekki meiri en rykló undir rúmi
ég er ekki meiri en skán á skakkri tönn
ég er ekki meiri en tár á hvarmi öldungs
ég er jafnmikill og dýpsta gljúfur ameríku

ég er ekki meiri en málning á húsþaki
ég er ekki meiri en steinvala á þjóðvegi
ég er ekki meiri en tónn í heimsins hljómkvíðu
ég er ekki meiri en kvein úr barka vændiskonu
ég er ekki meiri en tugga í munni belju
ég er ekki meiri en kám á gömlum spegli
ég er ekki meiri en skýstroka á himni
ég er jafnmikill og öflugur jarðskjálfti

ég er ekki meiri en ofnotaður vasaklútur
ég er ekki meiri en smjatthljóð offitusjúklings
ég er ekki meiri en grasstrá á sléttu
ég er ekki meiri en krumpuð skissa á bréfi í ruslafötu
ég er ekki meiri en klepra í klósettskál
ég er ekki meiri en fílapensill á nefbroddi
ég er ekki meiri en samanpressuð tannkremstúba
ég er ekki meiri en afskurður af fiskflaki
ég er jafnmikill og sólin

ég er ekki meiri en endursýning af sápuóperu að nóttu til
ég er ekki meiri en myglað brauð
ég er ekki meiri en bremsufar í nærbuxum
ég er ekki meiri en hattur götubetlara
ég er ekki meiri en blekið á dagblaði
ég er ekki meiri en skrælningur frá kartöflu
ég er ekki meiri en ónotað sekúndubrot
ég er ekki meiri en slef úr flækingshundi
ég er ekki meiri en mjólk sem komin er yfir gjalddaga
ég er jafnmikill og kristur á krossinum

ég er ekki meiri en blóðsletta í sláturhúsi
ég er ekki meiri en lús á skinni apa
ég er ekki meiri en lambasparð á túni
ég er ekki meiri en klesst fluga á bílrúðu
ég er ekki meiri en útbrunninn myndlampi
ég er ekki meiri en afrakaður skeggbroddur
ég er ekki meiri en eldgamalt dagatal
ég er ekki meiri en tíst í kanarífugli
ég er ekki meiri en botnlausir strigaskór
ég er ekki meiri en ullartota á gaddavír
ég er jafnmikill og þú

gleðileg jól

gleðileg jól til ykkar sem þetta lesið og hafið kíkt hér við og lesið þetta litla blogg mitt

ykkar einlægur

Lárus Guðmundsson

(nýtt lag efst í spilaranum hér til vinstri)