Jarðarfararsálmur #666

Jarðarfararsálmur #666 (demó)

Nýtt í spilaranum hér til hægri.

Góðar stundir...

Sagan af tóminu

Sagan af tóminu 

 

hið gráa tóm sló í olíulit

við sólarupprás

kassalagað og holt

við stigum þar inn

litum töfraspegla og þúsundir sálna læstar í glóandi nálarauga

það stóð á dökkri ströndu

negullitaður sandurinn teygði sig svo langt sem augu eygðu

í allar áttir

hvorki fugl né fluga en hljóð einsog frá öldum í fjarska og skvaldri

gaf okkur von um að kannski værum við ekki ein

þó leyndist grunur um að fyrir hvern faðm sem að baki yrði lagður

myndu bætast við tveir handan sjóndeildarhrings

kannski er betra að dvelja um kyrrt ?

það er bærilegt meðan að sólin skín

en verri er nóttin . . .

Why dogs go to heaven

Nýtt hér í spilaranum til hægri lagið: WHY DOGS GO TO HEAVEN

Njótið vel.

Í STOFU ÚT Í BÆ

Í STOFU ÚT Í BÆ 

í stofu út í bæ brennur jólatré
brennur jólatré í stofu út í bæ
sviðnaðar grenigreinar
asbesteiturlyfjagufur
umlykja feita miðaldra frænku og svæfa hana værum svefni

í stofu út í bæ
bæítúufotsí brennur jólatré
kjarvalmálverk umbreytast
mahóní Picasso Erró
error
rorre

brennur bumba á gömlum manni
gusast blóð niður granir
granir niður blóðgranir
varalitur flagnar af hita af vörum ungrar móður
blá augu gulna
springa gulna
agnirps anlug

jólatré miðaldra bumba
móðir augu springa
jesús kristur í rúst á gullkrossi Jens
rass á lambi verður eldtungum að bráð
óráð grátandi barn
barn grátandi óráð
faðir aska öskur ískur
snark í pilluætufrænku

grasgrænkubuxur við nýja þvottavél
leikur holdfnykur um háa hæla við útidyr
babúbúbabúababúb gobbedígobb
jólakort handrituð í hundruðum brenna í stofu út í bæ
stirðnuð bros á jólahamingjuóskandi andlitum
jólagjafanýútgefnum sundfitum
kjöt af nýslátruðum nautgripum
brennur í einhverri helvítis stofu út í bæ

brennur helvíti í bæ
brennur helvíti í bæ

Týnd börn (hljóðskreyting)

Njótið hljóðskreytingar við ljóðið "Týnd börn (um stjarfann og vökuna); hér í tónlistarspilaranum til hægri.

Takk.

Týnd börn

TÝND BÖRN (Um stjarfann og vökuna)

 

við sem getum ei sofið

liggjum sem stjörf í óræðu myrkri

skynjum flöktandi skugga

í klingjandi hringekkju

sem aðeins Guð getur stöðvað

týnd sem börn í stórmarkaði

með augun læst í hillunum

skiljum ekki röddina í kerfinu

bregðumst glöð við hverju brosi

grunlaus um stöðuna

 

í gloppunni áður en hið sanna slær

niður sem eldflaug í veruna

uppnumin heillumst af frelsinu

und fölgulum ljósum

í margslungnum heimi

staðan seyðandi

sem glænýtt bragð og kitlar lauka

 

hnífskarpir litir

opnum víddir með sjálfstæðri skynjun og nýrri

þar til rauðklæddi maðurinn með lógóið á bakinu

kemur og leiðir okkur aftur heim . . .